stoooooooooooooooop
بدأت تدوين فى 14 / 7 / 2007
أى أننى أدون منذ سنة وشهر تقريباً
أحتاج بشدة لوقفة مراجعة مع نفسى
ماذا جنيت خلال هذا العام من التدوين
وتصفح المدونات المواقع وغيره ... ؟؟؟
هل حقاً أضاف شيئاً إلى حصيلتى
أم أننى أضحك على نفسى ؟!!
هل قدمت شيئاً يقال أنه شيئاً من هذه البلوج
أم أنه زى ما بابا بيقول " لعب عيال " وخلاص
أفكر حالياً وجدياً فى الإنسحاب من عالم التدوين
قد لا أستطيع فالتدوين بالنسبة إلىّ يعنى الكثير
ولكن هناك عدة أسئلة لابد من أن أتصارح بها مع نفسى : ـ
* ماذا استفدت حقاً من التدوين ( من عدة جوانب ) ؟؟
* هل أثر التدوين حقاً على دراستى وكان هو السبب فى نتيجتى السيئة ؟
* هل أثر إنغماسى فى هذا العالم على علاقتى بربى وكان السبب فى تقصيرى ؟
* هل أثر على علاقتى بوالدىّ وبإخوتى وعائلتى وصلة أرحامى ؟
* هل أثر على علاقتى بإخوانى وتقصيرى فى حقهم وحق دعوتى ؟
* هل طغى هذا المجال على المجالات الآخرى ...
كالقراءة مثلاً .. ، ومراجعة القراءن ... ، وغيره
* وهل أنا قادرة على التوفيق بينه وبين دراستى وباقى إهتماماتى ( لا أعتقد ) ؟؟
* ماذا جنيت من وراء ذلك وهل كانت مكاسبى أكثر أم خسائرى ؟
* هل إذا ابتعدت حقاً عن التدوين سأجد نفسى الضائعة وأعود كما أريد ؟
ليس هذا كل شئ
ولكن هناك الكثير الكثير من الأسئلة التى تجول بخاطرى
لا أنكر أننى تعلمت الكثير من جراء إحتكاكى بهذا العالم
وعرفت كيف يفكر بعض الناس واحترمت أفكار كل مدونة
وتبادلت الأفكار ووجهات النظر و .. و .. و ..
لكننى أيضاً خسرت بعض الأشياء
وجرحت جراح أترك للزمن أن يداويها
رأيت أناساً تلبس أقنعة وردية تخفى ورائها شياطين وأشباح
صدمت بأناس ... تعلمت من أناس ...
أحببت البعض ... واحتقرت البعض ... وتعجبت من البعض
عاااااااااالم غرييييييييب الأطوار حقاً
تعلمت ألا أحكم على أحد من خلال تلك الحروف التى أقرأها عبر شاشة الكيبورد
وألا يحكم على أحد من خلال تلك الحروف التى أخطها من على الكيبورد
كنت بكلم د / أميمة كامل وبأقلها هو ده بجد كلام فاضى ولعب عيال
زى ما بابا شايف ولا بجد بنقدم حاجة للمجتمع
ردت عليا بكلمة عجبتنى جداً
قالتلى / إن كلام أحلام واليوم ده هيكون حقائق الغد
معاكى حق يا خالتو
حاسة إنى شايفة الصورة مظلمة قاتمة شديدة الظلام
عايزة أرجع أشفها زى الأول
صدقاً محتاجة دعاء كل شخص يقرا البوست ده
أرجوووووووووووووووووووكم ادعوووووووولى بشدددددة
ــــــــــــــــــــــــــــــــــــــــــــــــــــــــ
بعيداً عن عالم التدوين
أريد إتخاذ قرار بخصوص دراستى
بكلية الآداب جامعة المنصورة
غير قادرة على إكمال الدراسة بها
قد أتخذ قرار وأحول لكلية الحقوق
___________________
قد أعود يوماً ما لهذه المدونة
وقد أغلقها سنة سنتين وربما لا أعود للأبد
اللهم ارشدنى الصواب واقدر لىّ الخير حيث كان
وأرضنى به
أشكر جميع إخوانى وجميع زوارى وأعتذر إن قصرت فى حق أحدكم
ولا تنسونى من خالص دعائكم
وأستودعكم الله الذى لا تضيع ودائعة
وآسفة عى الإطالة
والسلام عليكم ورحمة الله وبركاته
.JPG)
هناك ٢٧ تعليقًا:
اختي الغالية سارة
كم اوجعتني كلماتك
بعد بارادتك لكن مصحوب بألم وحزن
ولكن كما قلتي
اجعليها دروسا نتعلم منها
وتجربة رغم قسوتها الا انكي حقا قدمتي
لنا الكثير
وفي انتظار عودتك
بعد ان تقف وتنتهي وقفتك
ولا زال لدينا امل
بالعودة
و
سننتظرك
بصراحة انا مش عارف هقول ايه
ولا هجيب منين كلام
المهم
لو حضرتك شايفة ان ابتعادك عن التدوين
هيجيب نتيجة ايجابية
فلا تردد
بس ايه المانع من الجلوس يوميا على النت
او المدونة كل اسبوع ساعة
مش مهم كتابة موضوع كل يوم
موضوع كل اسبوع
ولكن الاراء تختلف
مثلا الاستاذ عبد الحميد يعتبر التدوين لعب عيال
دا راى
واللى مايحترمش الرى الاخر
يبقى مايعرف اى حاجة فى الدنيا دى
وجهات النظر تختلف
وراى ان التدوين بيقدم شىء كويس
وحاجة مفيدة
وكمان عملية
والدليل واضح لكل الناس
وجزاكى الله خيرا
على المواضيع الشيقة
السلام عليكم ورحمة الله وبركاته
لابد لكل امرئ صاحب هدف ورسالة من وقفات
مع نفسه وأفكاره ومراحله ووسائله ..
وبذلك يقاس النجاح والتقدم والتغيير
موقف جميل .. ان تم بأسلوب سليم
وبمنهجية واضحة للنفس
وان كان فيه مصارحة للنفس
وبعيدا عن تأثير كلام الناس ..
صلي استخاره .. وتوكلي على الله
وخدي موقفك
ووقتها اوعي تندمي عليه
وربنا ييسر لك أمورك يارب
كم نحتاج جميعا لمثل هذه الوقفات
وقفات نرتب فيها اولوياتنا
نحسب مكاسبنا وخسائرنا
ونزن بميزان العقل والحكمة لا العاطفة والهوى
أسأل الله عز وجل ان يريكِ الحق حقا ويرزقكِ اتباعه
والباطل باطلا ويرزقكِ اجتنابه
سهل الله امرك
ويسر دربك
وقدر لكِ الخير حيث كان
السلام عليكم ورحمة الله وبركاته
بنبن حبيبـــــي
اولا انا عارفه انك زعلانه مني ...مش علشان حاجه لن في سوء تفاهم في
بالموضوع وللاسف مش عارفين نتكلم علي النت لانه ع طوول بيقطع فان شاء الله
اول مقابله كل حاجه هتخلص باذن الله وبجد هتعرفي أد ايه انا بحبك وعمري
ما.........." طيعا انتي فهماني
حبيبي ربنا يعلم أد ايه بحب ...
ندوس بأه علي المهم بالنسبه الي انك
هتسيبي التدوين فتره
انا معاكي تماما وبقولك خدي الخطوه
وسريعاكمان اكيد هنفتقدك كتير اوي والله بس اقولك هتفيدك كتير اوي صدقيني
وخصوصا انك عارفه ايه النقط الي لازم تتعالج علي فكره انا بقولك يابختك والله
الخطوه دي كتير اوي نفسه يعملها بس للاسف مش قادر متربط .. مقيد .. والله
ياساره دي نعمه ربنا بيرزقها لمن يشاء كلنا محتاجين نعمل كدا .... ساره انا
مريت بنفس التجربه تقريبا بس الحمد لله ربنا يسرلي اموري اوعي تخلي اي حاجه
ترجعك عن الخطوه دي وصدقيني هتطلعي منها حاجه تانيه خالص بس المهم اعرفي
ازاي تستغليها وكمان رمضان علي الابواب ياسلام كدا لو دخلناه بذهن صافي
ساره محتاجه اتكلم معاكي اوي في حاجات كتير يمكن مش هقدر اقولك كل الي جوايا
بس انا متأكده ان ان شاء الله هيكون لينا لقاء عن قريب اوي
ساره ... شدي حيلك انتي حطيتي رجليكي علي اول الطريق اوعلي ترجعي وبوصي
لفوق اوي وباذن الله هتوصلي
ومهما الناس تعبوكي والدنيا بهدلتك
افتكري دايما " اصلح مابينك وبين الله يصلح الله مابينك وبين الناس "
شدي حيلك وربنا معاكي انا عارفه هتبقي فتره صعبه اوي لكن اانتي أدها
وأدود ان شاء الله ياااااااااااااااه ياساره فكرتيني بما مضي
يلا يابطل هستني اخر اخبارك ان شاء الله
وربنا يكرمك يارب ويسرلك كل امورك
يارب علي فكره ياساره يمكن مش هقدر اقولك كل الي انا عيزاه لكن اتنمني لو
تقرأي اخر بوست عندي بالمدونة انا فضلت اكتب فيه تقريبا 3 ايام بوست
تمنيت لو كل شخص قرأه واتمني لو تقرأيه قبل ماتتركينا يمكن يفيدك ولو مش فادك
هقولك انا معاكي وهتكوني انتي الحد
التالي في مسيرة التغيير ولما ترجعيلنا
ان شاء الله هقولك مين الي انضم لينا مستنينك ان شاء الله وصدقيني ياساره
هتلاقينا كلنا معاكي وبقولهالك مره تانيه انتي التاليه في مسيره التغيير
التاليه واني بحبك جدا جدا جدا فوق ماتتصوري وزعلني جدا كلامك ويعلم الله
ماحدث لي في هذه الليله ..... يلا خير الحمد لله انا عمري مانسيتك ابدا
بدعائي ساره ولا خليني اقولك زي ما بحب " بنبن " اني احبك في الله وشدي حيلك
جامد اوي وربنا معاكي
اختك: ريمـــــــا
وحشاني ياوحشه
صحيح بنبن نسيت اقولك
" لا لا تقولوا وداعا بل قولوا الي
اللقاء ان لم يكن فوق الثرا فبجنه
رب السماء "
أعانكِ الله ووفقك وسدد خطاك واهمكِ الصواب
اللهم امين
Rima
السلام عليكم
اعانك الله يااستاذة ولكن دعيني اقول لك شئ بسيط:
1-الدخول في تجربة سنة باكملها شئ جميل ولكن الشئ الصعب هو عدم الاستفادة
2-من اكثر الكلمات التي تؤثر في كثيرا بل واثرت في التزامي عامة
(ماكان لله دم واتصل ومالغير الله انقطع وانفصل)
3-المشكلة يااستاذة مشكلة تنظيم وقت يعني مثلا المفروض الاخ او الاخت محدد هو عايز ايه من يومه يعني مثلا ساعة قران ووقت تاني عشان الحفظ ووقت تاني عشان القراءة والاطلاع ووقت تالت عشان التدوين
يعني مثلا ساعة للمدونة يوميا شئ جيد ومقبول وكل فترة معينة ينزل بوست
4-أنا مريت بالموقف ده قبل كده بس أول حاجة عملتها قمت دلت المدونة القديمة خالص وقعدت فترة اراجع نفسي في موضوع التدوين ورجعت بالمدونة الجديدة
وهذه بوستات للاستاذ عصفور المدينة كان بعتها لي عشان الموضوع ده
http://ctybrd.blogspot.com/2007/07/blog-post_3396.html
http://ctybrd.blogspot.com/2007/05/blog-post_20.html
http://ctybrd.blogspot.com/2007/05/blog-post_19.html
http://ctybrd.blogspot.com/2007/05/blog-post_1676.html
http://ctybrd.blogspot.com/2007/05/blog-post_04.html
http://ctybrd.blogspot.com/2007/04/blog-post_17.html
http://ctybrd.blogspot.com/2007/02/blog-post.html
وده أول بوست لمدونتي الجديدة بعد الرجوع لعل فيه شئ يفيد
http://hafedelya3qopy.blogspot.com/2007/08/blog-post_9984.html
5-بس شئ اعتراض علي كلام والد حضرتك جزاه الله خيرا
التدوين مش لعب عيال لان بمنتهي البساطة الكلمة وتوصيلها للناس ليست بالامر السهل فمن خلال التدوين نشط اناس لم اتخيل ان لهم وجود علي ارض مصر زي المثلين والعلمانين اللاسعين اللي الواحد بيشوفهم وللاسف في ناس اقتنعت بهم ومتبعاهم ومصدقاهم علي غيهم
فمن سيرد شبهات امثال هؤلاء ؟؟؟؟؟؟؟
من لها غير الاسلاميين والملتزمين ومن رضوا ان يقفوا لهذا الدين
التدوين له دور فاعل علي الاقل في تغيير صورة الاخوان وخطأ قد نقع فيه نحن لاخوان اننا لانتواصل الا مع بني جلدتنا وننسي ان هناك طائفة كبيرة من الشعب نحتاج الي الوصول لها شوهت صورتنا عندها من قبل الاعلام واذناب العلمانين من الكتاب والصحفيين
بس امتي التدوين يبقي لعب عيال
لما يبقي الاخ او الاخت مش عارف هو عايز ايه منه يعني بيدون ليه وده بيت المقصد عامة في موضوع التدوين
واسال الله لك الاخلاص والتوفيق
وعامة لي رأي بسيط في موضوع الوقفة مع النفس
لاوقت لنا الان للوقفات الطويلة فالوقت حولنا يجري بسرعة رهيبة إلا إذا كان الامر جلل
وآسف علي التطويل
والسلام
لا بأس كل حين بوقفة تراجعي فيها نفسك, فتعرفي هل لك هدف في حياتك وهل هو ذو قيمة وهل تسيرين إليه ؟؟
وبخصوص المدونة .. لتعرفي هل مدونتك توائم هذا الهدف وتفيده .. أم لا ؟؟
أعانك الله
رغم انى ربما لم ارد على مدونة حضرتك من قبل
لكنى اتابعها كثيرا وكانت من اول المدونات التى عرفتها
لحضرتك اكيد الاختيار فى انسحابك بالمدونه
لكن كل مااستطيع قوله هو ان الانسان اذا مر بتجربة ما احيانا لايشعر انه استفاد منها
مثال:ادرس الهندسه واحيانا اشعر بانى لااستفيد من الكليه ولكن سرعان ماقارن بينى وبين من لم يدخل الكليه من أصل وحينها اعرف انى استفدت الفعل ولو لم تكن الاستفاده المطلوبه
واظن حضرتك كذلك وأكيد استفدتى من التدوين ولكن ربما خسارة حضرتك بعض الاشياء هو السبب فى هذا الشعور
والامر يحتاج فعلا تنظيم وقت
يسر الله أمرك
فى أمن الله
ألسلام عليكم
انا اول مرة ادخل مدونتك وبصراحة عجبني اسلوبك في الكتابة وانا عمري مكتبت لحد علي مدونة
بس هنصحك نصيحة اخ صغير
الضربة اللي مبتموتش بتقوي الواحد
ولازم تستفيدي من تجاربك احنا اتخلقنا علشان نتعلم مش علشان نهرب من مشكلتنا
لازم تواجهي مشاكلك وتحليها
ايه اللي حصل بس علشان دا كله
لازم تتعلمي من حياتك وكمان انا مش اقدر اعطيكي رءيا لا انا مش في مكانك ولا عارف ظروفك بس ربنا يوفقك
كل مره باخش اهزر بس المرادى بجد مش عارف اقول ايه
غير انى مصدوم
:(
ومش هقول حاجه لانى قلت كل حاجه
:(
جميلة اوي مراجعة النفس اللي
انتي عاملاها مع نفسك
ومدي تاثير التدوين علي علاقاتك
وليتنا كلنا نفعل ذلك
حزين لتوديعك التدوين
ولكن ل حسبتيها بالعقل كده
هتلاقي لو دخلتي مرة كل شهر
حطيتي بوست وتابعتي احبائك
مش هتاثر عليكي
عموما وفقك الله الي مايحبة ويرضاه
:(
لأ يا اختى لا
انتى لما تيطلى تدونى
ديه حاجة مش تفيد
بس لما تدونى ديه حاجة تفيد
مش تحرمى نفسك من الثواب
ومش تحرمينا من معلوماتك
تحياتى اليكى
وتسلمين
السلام عليكم يا سارة
لعلك بخير و ربنا ييسر لك و يرضيك بما
قسم
وكلنا يحتاج للوقوف مع نفسه و
مراجعتها
حاسبوا أنفسكم قبل أن تحاسبوا
و زنوا أعمالكم قبل أن توزن
مستنينك ياساره
؟!!!!
ايه التاخير ده
؟!!!
السلام عليكم ,
فعلا كل منا يحتاج الى وقفة مع نفسه
ليتعرف على مشاكله ثم يحاول ان يحلها لا ليهرب منها
اذا كانت هناك مشاكل معكى فى عالم التدوين فالأولى ان تحليها لا ان تتركى التدوين .
تحياتى ,
عمار صبرى
السلام عليكم
كلماتك بجد صعبه جدا بس
ياريت متستسلاميش ابدا مهما اللى بيتقال وياسارة احنا الازم نجترم اراء الاخرين بس مش نخدها على محمل الجديه
وان احنا ننفزها علطول
اما من نحيه انك قمتى شى مفيد اكيد طبعا انتى قدمتى كل شئ مفيد وهاف بل وبناء ويكفى انكى اخزتى كلماتكى كدعوة الله
اما عن انسحابكى من التدوين فذى مقال البوستجى صلى صلاة استخاره
بس ياساره اللى يبدء مشوار الازم يكمله انتى ابتديتى ولازم تنهى الامشوار واكيد كل الطرق فيها مشاكل ومطبات كثيرة جدا بس نخلى هدفنا امام المطباط ديه كلها وانك لو حبيتى ترجى الازم هيكون فيه مطباط اللى انتى تخطتيها ولا تستسلمى
كل ودى لكى
فى انتظاركعن قريب
التفكير بخصوص تحويل مسار الدراسة من أداب لدراسة القانون تفكير يستحق الأحترام
كم نحتاج إلى متميزات فى هذا المجال
وإن كان الامر يحتاج إلى تفكير عميق لأنه ليس بالأر البسيط
فى سنوات تعب ممكن تروح
أتمنى لكى الخير
السلام عليكم
كيف احوالكم استاذة سارة
و الاستاذ عبدالحميد البنداري عامل ايه دلوقتي وايه اخباره
واخو حضرتك عامل ايه
اسال الله ان تكونوا بخير حال
وباذن الله ازمة وهاتعدي
والسلام
ربنا يبارك فيكى ياسارة انتى ومحمد ابن عمك ويكتر من العقول المستنيرة اللى زيكم وقلوبنا ودعواتنا معاكم جميعا".
ما شاء الله عليكى وعلى مدونتك بجد رائعة بارك الله فيكى
السلام عليكم
ازيك يا روح قلبى زحشنى اوووووووووووووى
ربنا يبارك فيكى انتى وابن عمك
امين يا رب
السلام عليم يامشمشة قلبى بجد وحشانى موووووووووتونفسى اشوفك ونقعد مع بعض زى زمان يلا هانت كلها شهر ونص ونتقابل
إرسال تعليق