خرجت من منزلى أمس صباحاً ... ذاهبة إلى الكلية فى أمان الله
{ كلية الآداب - جامعة المنصورة } ...
وكل شوق أن أرى أخواتى فى الله
دخلت الكلية فوجدتهن جالسات فى مقدمة استراحة البنات بالكلية كالورود بأخمرتهن الجميلة ...
وكعادتهن قابلونى بإبتساماتهم الرقيقة الجذّابة ، سلمت عليهم ووقفت معهن نتسامر جميعا
ونسأل بعضنا البعض عن أحوالنا .
والله لم يحدث أكثر من هذا ...
ثم فجأة وبدون أى مقدمات ... فوجئنا جميعاً بحرس الكلية يتجه صوبنا بحدة يسألنا ببلاهة :
( انتوا معانا فى كلية آداب هنا يا بنات ) ...
( امال فى طب يعنى يا ذكى ... !!! )
فأجبنا : أيوه هنا فى آداب يا فندم
فقال بحدة : كل واحدة تخرج كارنية الكلية بتاعها واللى مش معاها تخرج البطاقة الشخصية
وبحسن نية شديد قامت كل واحدة بإخراج الكارنية أو البطاقة
فوجدته متجهاً نحوى قائلاً : فين كارنيهك ؟؟
- ( بمنتهى البرود ) مش طلعته يا فندم
- طيب كارنية السنة اللى فاتت
- والله ضاع منى
- طيب هاتى بطاقتك الشخصية
- ( ببرود أشد ) نسيتها فى البيت
- طيب طلعيلى أى حاجة تثبت شخصيتك
- مش معاى ...
هههههههههههههههههههه
كاد ينفجر غيظاً طبعاً وتركنى ولم كارنيهات الأخوات
( كنا حوالى 15 تقريبا ) ، ووجدت الأخت التى بجوارى تخرج كارنيهها فأشرت لها ألا تعطيه له .
ثم أشار لإحدى الأخوات أن تتبعه إلى مكتب قائد الحرس ..
فذهبت الأخت برفقة إحدى الأخوات
وهناك طبعاً سين وجيم وكل يعنى ما تيجى ترد على أسئلته
يصرخ : اخرسى ما تتكلميش
( نفسيته تعبانة ... أكيد كان متخانق الصبح مع مراته كالعادة )
المهم قالها يلا امشى وعدى عليا بعد ساعة خدى الكارنيهات ...
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
وأنا هنا على مدونتى لا أملك إلا أن أصرخ بأعلى صوتى :
[ حسبنا الله ونعم الوكيل ]
حسبنا الله ونعم الوكيل فى حرس كلية آداب
حسبنا الله ونعم الوكيل فى الظالمين
حسبنا الله ونعم الوكيل فى أعوان الظالمين
حسبنا الله ونعم الوكيل فى كل من له يد فى ظلمنا
وإذا كانت دولة الظلم ساعة فدولة الحق إلى قيام الساعة
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
إن هؤلاء الحرس الكريم المبجّل يرى عياناً جهاراً كل دقيقة ذلك الشباب المنحرف
المنتشر فى أرجاء كلية آداب
جالسين مفترشين أرض الكلية يشربون السجائر وغيرها ...
يرى الشباب من الجنسين " بنين ، وبنات " جالسين فى أوضع مخلة ولا يتحرك لهم ساكناً ...
يرى الفساد من كل صنف ولون عياناً جهاراً ... ولا يتحرك قيد أنملة ...
يرى التبرج والإنحلال الأخلاقى ...
يرى ... ويرى ... ويرى .... والكثير الكثير من ألوان الفساد
لكن سيادة الحرس المبجل ترك كل هذا وآتى لفتيات ملتزمات فضليات
( أحسبهم كذلك ولا أزكيهم على الله )
كنا واقفين والله نسأل بعضنا البعض عن أحوالنا
لم نكن مثلاً نخطط لقصف عسكرى ولا لإغتيال عبدالناصر مثلا
سيادة الحرس ترك كل الفساد وأتى لبنات محترمات ملتزمات بزيهن الشرعى الإسلامى الصحيح
بنات لا جريمة لهن فى هذه الكلية غير أنهن رمز مشرف لإسلامهن
بنات كل ذنبهن فى الحياة يتلخص فى أنهن ينتهجون ( لا إله إلا الله ) عملاً وسلوكاً ...
ــــــــــــــــــــــــــــــــــــــــــــــــــــــــــــــــــــــــــــــ
أما قائد الحرس الفصيح :
فإن كنت تظن يا سيدى الفاضل أنك هكذا تخيفنا أو ترهبنا أو تضعف من عزيمتنا ...
فلا والله نحن لا نخاف إلا الله عز وجلّ
نحن أمل هذه الأمة ... نحن جيل النصر المنشود ...
والله إنكم هكذا تزيدوننا صلابة وقوة وإصراراً على السير على الدرب أكثر متانة
سنظل نعمل لدعوتنا بكل ما نملك .. ولن يخيفنا أو يرهبنا تلك الأعمال السخيفة ...
وأخيرا :
حسبنا الله ونعم الوكيل
ويحضرنى قول الشاعر الإخوانى :
( علشان بنقول إسلام ... ونصوم ونصلى كمان ...خلقولنا قضايا قوام ... وسجونهم فاضت بينا )
سلام عليكم
.JPG)
هناك ٢٣ تعليقًا:
ايه يا أختى
هو كليتكوا مافيهاش إخوة ولا إيه ؟
" اللهم لا رياء و لكن سمعة و فشخرة لو الموقف ده حصل عندنا كان ح يبقى فى تطايير للأعضاء البشرية "
دمتم بكل ود
لا اله الا الله
عارف انك كنتى خايفه
صح
اهوا بتقولى صح
اقولك المره الجايه ابقى رنى عليا
وانا هاجيبلك البلطجيه
ههههههههههههههه
تحياتى
اعتبرينى ما اقولتش حاجه
حد من الاخوان بيضرب فى المنصوره
وكمان شارع كليه اداب
لا اله الا الله
مفيش رنات
مفيش
وا اخواااااااااااناه
غلطك انتى مش غلطنا احنا
ههههههه
لا إله إلا الله....
طب حضرتك ما قولتيش....أختوا الكارنيهات تاني ولا لأ؟؟
والله الناس دي ما عندهاش دم...
"إن فرعون وهامان وجنزدهما كانو خاطئين"
تحياتي لكي..
انا نزلت موضوع جديد ...
أرجو أن تلقي عليه نظرة ...
"من طلب العلا نام الليالي"
ودمت دائما بخير
بداية حياكم الله ولكنهم لا يملكون من امورهم شيئا فهم عبيد لعباد وحسبكن أنكن بنات محمد فداه ابى وامى وبنات محمد يمتثلون لسنته وسنة محمد صلى الله عليه وسلم أستاذ البشرية تعلمكن الصبر وأن تحتسبن أى أذى نفسى فى سبيل الله وتطبيقا لسنة محمد صلى الله عليه وسلم \
ثبتكم الله
تحياتى
السلام عليكم
تصدقى فعلا كان ممكن يكون متخانق مع مراته على الصبح
هما كده كلهم وده أسلوبهم فى بيوتهم أرانب وعاملين فيها أسود على اللى بره
متزعليش يا أختى والله بيبقى إحساس بالنقص فى شخصيتهم وربنا يهديهم ويصلح حالهم
وحسبنا الله ونعم الوكيل فى اللى مديهم الحرية يعملوا كدا
فكرتينى بحرس كليتى نفس اللى كان بيحصل بالظبط هى سياسه واحده وبيتبعوها فى المنصوره فى بنى سويف فى الفيوم وفى كل حته على ارض المحروسه .....
عندنا كانو بيدخلو البنات ببنطلونات ومكياج والخمارات ياخدو منهم الكارنيه ويدخلوهم عند قائد الحرس
مع اننا كل اللى عملناه اننا عايزين ندخل الكليه زيهم
مش المقصود انتم خالص
المقصود انه يخوف البنات العاديه اللى بتقف معاكم...ان شاء الله ميكنوش اتأثرو بالموقف ...
متقلقيش مجرد هبهبه على الفاضى
والحق منتصر ان شاء الله
اديكوم الكارنيهات ولا لسه
لو لسه
انا جاي اجيبهالكم
هو ممكن يكون كان متخانق مع المدام وبعدين ممكن يكون تعبان نفسيا معظمهم مرضي نفسيين زى ما نتى عارفه.
بجد الواحد قد ما بيكون حسبنا الله ونعم الوكيل اد ما المواقف دى بحسس الواحد بالعزة ان اعملوا الى تعملوا انا عمرى ما هتنازل
اخت لينا الامن لسة رايحلها اليت النهاردة فى محاولة للضغط عليها طبعا قالوا لوالدها كلام ميتصدقش بنتك ماشية مع الاخوان وبتخطط لقلب نظام الحكم وكلام من دة
اللهم ارزقنا الثبات
السلام عليكم ورحمة الله وبركاته
بجد ربنا يعلم حالتي دلوقتي وانا بسمع خبر زي ده ،،،
ياريت الحس الأمني يكون أعلى من كده شويه ربنا يكرمكم ..
يعني ياخد الأسماء دي كلها علشان ايه ؟!
لما يوقف أخت في أحد الكليات ويسألها معلومات وتقول له
اسمك سنك عنوانك فرقه كام
تاني يوم تحقيق !!
وبعدين
الله المستعان
دوا الضغط يا ابني ...
اية ده
اية الخيابة دى
انتو عبط ولا اية؟؟
يابنتى احنا الحمد لله اتبلطجنا بلطجة
ما اقولكيش
وشربناها لخواتنا الصغيرين
زى ما اللى اكبر مننا شربوهالنا
زعقى فيه وبلطجى فيه ووحطى صوابعك فى عنيه
ناس قلاله الادب والحياء
تلاقيه الست بتاعته مطرقعاله الشبشب الازرق على الصبح
يالا اتكتب علينا نشرب حالتهم النفسية
انتوا غلطانين
انتى محظورة
يعنى المفروض تبلطجى معاه
لأ طلعتي جدعة يأخت مرورة والله ما يقدر يعمل معاكوا حاجة لو الكل عمل زي حضرتك
أنا كنت في جامعة المنصورة وعارف إن العمل الطلابي فيها وبحمد الله قوي جدا
ربنا يعينك وأخواتك في الجامعة على أمن الجامعة وحسبنا الله ونعم الوكيل فيهم وفي كل من يحركهم
السلام عليكم أستاذتي العزيزة
أولا أنتوا أخطأتوا في إعطائكم الكارنيهات وأعتقد انه كان المفروض أن إحداكن أن تستعين بالأخوة اللى في الكلية
والموضوع كان هاينتهي
أو كنتوا تعاملتوا معهم بكل برود ولم تعطيهم أي شئ
يعني هما مثلا كانوا هايعملوا إيه كان هايضربوكم مثلا ؟
وربنا يخلصنا ويريحنا منهم
أحمدعبدالقوي
اهم حاجه الكرنيهات رجعت ولا لسه
حسبنا الله ونعم الوكيل
ياريت تطمنينا عليكم اختى فى الله
حسبنا الله ونعم الوكيل
ياريت تطمنينا عليكم اختى فى الله
مع ادانتنا الشديدة لقيام فرد أمن بتوقيف الطالبات الاخوات دون وجود أي مبرر ظاهر لتدخله،
فإن التصرف السليم في هذا الموقف -في رأيي- هو هزيمته أخلاقيا بتذكيره أنه لا يفعل ذلك مع المنحرفين أخلاقيا وهم كثر من حولنا، ثم إخراج الكارنيه ليراه من بعيد دون أن يسمح له بتاتا بلمسه أو أخذه.
وبهذه الطريقة نكون قد هزمناه أخلاقيا وأظهرنا سلامة موقفنا وإلتزامنا بالقوانين.
وفي الاخير مبروك لكن ثباتكن
أختي الكريمة
بلغني نبأ اعتقال والدناالكريم الأستاذ عبد الحميد
فما كان بيدنا سوى مؤازرتكمـ ...وبعض دعوات بالثبات ، والصمود.
وبشريات بقرابة انتهاء هذا الظلم، وبزوغ الفجر ...فإلى والدكـ مني تحية
وإليكـ دعوة ....
وعليكم من الله السلام
...و...
ود
ربنا معاكي ويوفقك والى الأمام
اللـــــــــــــــــــــــه معاكــي
أنا بحييكي على هذه المدونة الجميلة ربنا معاكي ومع باباوبقوله عرفت تخلف بنت تشرفك وسط الناس ياأبو أسامة الجميل : عمو محمود
إرسال تعليق