كل عام وأنتم بخير
بمناسبة عيد الأضحى المبارك
أعاده الله عليكم بخير
وياااااارب السنة الجاية نكون جميعاً على عرفات
احم احم
متنسوناش بقى من حتة لحمة من الخروف
ـــــــــــــــــــــــــــــــــــــــــــــــــــــــــــــــــ
الحمد لله تم الإفراج عن عمى الحبيب
الأسبوع الماضى بفضل الله
وبجد بجد مش قادرة أوصف
فرحتى وسعادتى كانت قد ايه
مع إنى حتى الآن مش عارفة ألاقيه وأقعد أرغى معاه
وهذا طبعاً بسبب وفود المهنئين الذين
لا يكاد يفرغ منهم منزلنا ليل نهار
بس إن شاء الله بعد الامتحانات
نقص عليكم نوادر أل البندارى
داخل أسوار وادى النطرون
ده غير أناشيد وادى النطرون الوطنية
منها على سبيل المثال
( وبالفووول وفطارنا هو الفول
وساعات بيكون فى سحور
ومفيش أكلنا غيره تانى
ـ ـ ـ ـ ـ ـ ـ ـ
والعدس ده منه كتييير
نرميه من غير تبذير
والاخوة يقولوا جيبوا تانى
ـ ـ ـ ـ ـ ـ ـ ـ
يا سلاااام واتغيرت الأيام
جتلنا زيارة تمام
ردت فينا الروح تانى )
احم ... عفوا كان هذا مقطع صغير
من نشيدهم الوطنى " بالفوووول " ... !!!
وللحديث بقية
عمى الغالى / حمداً لله على سلامتك
بجد البيت كان وحش من غيرك
ــــــــــــــــــــــــــــــــــــــــــــــــــــــــــــــــــــــــــــــــــــ
انطلقت بعد صلاة العيد فى الخلاء
مع فراشتى " أروى الطويل "
وفى الطريق وإحنا مروحين أروى قعدت تعيط لباباها
وتبكى بكاء مريراً عشان عايزة " غزل البنات " ...
وطبعاً أمام بكاء وصراخ وتوسلات أروى
لم يجد الوالد المسكين بداً من شراء " غزل البنات " لنا
اسكاتاً لفضائح وصراخ أروى فى الشارع
وطبعاً مكنش ينفع أسيب أروى بعد حالة الإنهيار دى
فأعلنت حالة الطوارئ وطلعت البيت مع أروى
والدة أروى طبعاً عرفت تسيطر على الموقف
وفى الحال فطرتنا فتة ولحمة
طبعاً أروى هديت تماماً أول ما شافت اللحمة
هههههههههههههههههههههههههههه
بجد بجد كان يوم جميل
أرواية : كل سنة وأنتى طيبة يا عثل
.JPG)
هناك ١٩ تعليقًا:
كل سنه وانتى طيبه ياساره ياقمر انتى
وزى مااتعرفت على اروى بسبب برضه مدونتك
اكيد لازم يوم هتعرف عليكى
صدقا انى احبك فى الله
ومنتظرين الاناشيد الجامده ديه
ومعلش لازم تستحملى ارويا العثل
كل عام وانتى الى الله اقرب
تقبل الله منا ومنكم
هههههههههههههههههه
يا لهني عليكي يا ساره
بجد انتي مش ممكن
الله يكون في عيون اروايا
ههههه
كل سنه وانتي طيبه يا قمر
انتي اروي
بجد وحشتوني موووووت
وعليكم السلااااااااام:
اها
الف الف الف ولا اقولك احسن مليون مبروك لعمك
وعيدكم مبارك
حمدا لله على سلامة عمك
وكل عام وانتم بخير والى الله اقرب
دمتى بخير
كل عام و انتم الى الله اقرب
و على طاعته أدوم
و أدام الله الود بينك و بين أختك أروى
و فك الحظر عنك و عن اخواننا جميعا
رضى الله عنك و أرضاكى
د.حماس
فته ولحمة وعيد وخروف وفوق وعدس وسجن واروى وغزل بنات ..
كله اكل بوست يتحدث عن الاكل ..
اروى عايزه غزل بنات
وروحنا كلنا فته ولحمه ..
وعمى كان بينشد فى السجن فوول وعدس ..
ومش تنسونا من اللحمه ..
حاجه غريبه ياخى .. انا جعت على فكره ..
ماما بتقولك كل سنه وانت طيبه عشان مش انسى وسالت عليكى ..
---
ربنا يحببكم فى بعض اروى وساره ..
وكل سنه وحضرتك طيبه وتقبل الله منا ومنكم
كل عام وأنتم بخير
تقبل الله منا ومنكم
عيدكم مبارك
مصعب رجب
حمدا لله على سلامته
كل عام وأنت بخير
وتقبل الله منا ومنك
:)
ألف مبروووك لعمك
و تقبل الله منا ومنكم
حمد علي السلامه
وكل عام وانت بخير عيد سعيد :D
كل سنة وحضرتك يا اختى طيبة وربنا تقبل جهدك ونتمنى منك تشاركينا حلمنا بعمل رابطة هويتى اسلامية
[بقلوب صادقة يملؤها الحب والوفاء بقلوب يملؤها حب الله تعالى ,,
بقلوب تسكنها الفطرة الربانيه ,,
بقلوب يحركها شوق الطاعه
بقلوب مفعمة بالفخر والاعتزاز يسر نا جمعيا وبكل معاني الحب والتقدير ان ندعوكم لمشاركتنا حلمنا بانشاء رابطة تضمنا جميعا فى رحاب الله رابطة هويتى اسلامية فكم يسعدنا تشريفكم لنا بالانضمام وكلنا امل لله عزوجل ان نكون عند حسن ظنكم وتقبلوا تحية اسرة رابطة هويتى اسلامية
http://hawetyhawety.blogspot.com/
اسم مدونتك حلو جدا .. دايما اهل الحق محظورين عند اهل الباطل .. كل عام وانتى الى الله اقرب اخيتى..
كل عام وانتى بخير يااستاذة محظورة
وحمدا لله على سلامة عمك
وجوعتينا بالبوست اللى كله أكل ده
على فكرة زعلانة منك
صالحينى بقى
كل سنةوحصرتك طيبة
مسعدة مسعود
كل سنه وانتم طيبون
:d
لسه على العيد اللى جاى مده اقصر من العيد اللى فات
حسب توقيتى
دمتم بخير :d
اظن كفايه كدة نوم بقى ونرجع للتدوين تانى
من زمان ما فيش ولا مقال
دعواتك
امي الخير العظيم ادعوكم لقرائته
بوست يحتاج تعليقكم
سيف الاسلام
ساندوا المدون أحمد محسن الذي أعتقل للمرة الثانية بواسطة جهاز أمن مبارك
تضامن مع المدون أحمد محسن ورفاقه وطلاب جامعة الفيوم المضطهدين
لا للظلم ولا للقهر ولا للإستعباد
إننا في رابطة مدوني الفيوم نطالب جميع اصحاب الضمائر الحية بعدم الإستسلام لسياسة التخويف المتبعة لدي نظام أمن مبارك والمقاومة السلمية حتى أخذ جميع حقوق الوطن المهدرة
http://www.freefayoum.blogspot.com
أخي الفاضل........... أختي الفاضلة
معا نعيد السعادة والصفاء إلى قلوبنا والبشاشة والنضارة إلى وجوهنا
والأمل إلى حياتنا بكلمة (بحبك ) نرددها بقلوبنا وبصدق وإخلاص لنغير حياتنا ونقهر همومنا وأحزاننا ومشاكلنا التي نصنعها بأيدينا.
( اللهم ارزق صاحب هذه المدونة رزقا واسعا وسعادة لانتهى وحبا من جميع خلقك وأرح قلبه وفرج همة وادم علية الصحة والعافية واشمله برضوانك وحبك وآلاءك واجمعنا في الفردوس الأعلى مع الحبيب محمد صلى الله علية وسلم اللهم أمين )
اخوكم سعيد الشريف مدونة الايجابية والاصلاح
إرسال تعليق