هى ... وهو ... " 2 " .. !!

الجزء الثانى

ويرفع الستار

...

..

.

أخينا مسك الموبايل بنرفزة شديدة واتصل على واحد صاحبه ..

أخينا ( بعصبية ) : ألو .. سلامو عليكو .

صاحبه : وعليكم السلام ، والله كنت لسه هكلمك

ايه يا عم أحمد اللى أنت عامله فى البت ده يا ابنى حرام عليك البنت هتتجنن عليك وأنت منفضلها على الآخر مش هى دى اللى كنت هتموت عليها ومش عارف توصلها وسقت عليها طوب الأرض عشان تعرف رقمها و ...

أخينا ( ينفخ ) : والنبى يا درش أنا مش فايقلك الساعادى .. فكنى يا عم أنا زهقت ومش بقيت عارف اعمل ايه .

صاحبه : يا بنى أدم حرام عليك أمال معلقها معاك ليه طيب .. ما تقلها كده وتخلص !! أهو ع الأقل أحسن من اللى هيا فيه ده .وبعدين صحيح بقى دى عملة تقفل الخط فى وشها .

أخينا : يييييييييه اسكت الله يخليك ده أنا ما صدقت أقنعتها إن هى اللى قفلته والبت صدقت ، وبصراحة كده أيوه أنا قفلت فى وشها يا عم زهقت .. اتخنقت .. نرفزتنى ومش راضية تقفل قمت قافل فى وشها عشان أخلص أوووف يا بانى دى بتقلى تعالى اتقدم بقى أصل جايلى عريس هههه .

صاحبه : يا ابن اللذين !! يعنى أنت فعلاً اللى قافل فى وشها ؟

أخينا : آه يا عم أنا .. بقلك زهقت يا ابنى منها .. قلى أعمل ايه طيب ؟؟ قال أتقدم قال !! البت دى عبيطة ولا ايه ...

صاحبه : يخربيتك أمال ياد كنت هتتجنن عليها ليه وعاملى فيها حبيب ... أول ما توصلها والبنت تحبك بجد ترميها الرمية دى .. أمال عمال تحبلى فيها ليه ؟؟

أخينا : إحنا هنضحك على بعض يا درش ولا ايه .. إحنا طلبة يابا وبعدين هو أنا لاقى آكل يا عم .. زبعدين كمان ما كله كده وأنت أولنا .

صاحبه : لالالا لحد هنا وستوب ، أنا صحيح بكلم بنات وبأقف مع بنات لكن والله كله صحوبية وزمالة والذى منه ولا عمرى اتنيلت حبيت ولا وعدت واحدة بحاجة ولا بحبك ولا يحزنون والكلية كلها تشهدلى بكده وأولهم البنات واسألهم ..

أخينا : أه صح معاك حق .. المهم طب أنا دلوقتى أطلع من الوقعة الهباب دى ازاى ؟؟

صاحبه : يا ابنى حرام عليك البت بتحبك بجد

أخينا : ما هى دى المصيبة .. والله أنا ما كنت أعرف إن العبيطة دى هتصدق بسرعة كده وتقع بالسهولة دى وبعدين أنا مش كان فى نيتى حاجة أنا كنت بأجرب لسه .. أنا صحيح كنت الأول هموت عليها بس مش عارف ليه بقيت بأزهق وبأمل منها ..كلام واتكلمنا ... حب وحبينا ... فسح واتفسحنا ... بيبنى وبينك أنا طهقت .

صاحبه:يا ابن الايه أنت عملت فيها ايه ياد ده نص شباب دفعتنا كانوا تحت رجليها وهى ولا كانت بتعبر حد

أخينا ( بكبرياء ) : يا ابنى قدرات ، المهم قلى اعمل اييييييييييه ؟؟؟

صاحبه : خلاص يا ابنى بسيطة انهى الموضوع بلطف بس متسيبهاش كده متعلقة .. بص قلها توافق على العريس وخلاص .

أخينا : أنت أهبل أنا مقدرش أعمل كده ولا أقلها كده دى البنت تروح فيها .

صاحبه : يادى النيلة أنت خاي عليها ولا ايه .. انت مش لسه قايل إنك زهقت منها ؟؟

أخينا : آه .. بس مش أعرف أقلها كده فى وشها علطول .

صاحبه : طيب يا عم النحنوح بس خلى بالك ده انت مش تعرف دى بنت مين .. ده أبوها لواء شرطة يا باشا .

أخينا : وأنا مالى هى اللى بتتصل بيا .. تصدق بالله أنا برن عليها وهى بتكنسل وتتصل هيا

صاحبه : ماشى يا عم .. ماشية معاك حلاوة

أخينا : طيب خلاص يا درش مخدناش منك بردو عقاد نافع

( بضحكة شيطانية ) : يلا سلام أنا هتصرف

ترارارارااااالمممم تششششششششششششش .. وإلى هنا أعزائى المشاهدين إنتهى الكابوس آآقصد المكالمة

___________________________________________

ايه رأيكو فى الولد ... ؟؟؟

وايه رأيكو فى البنت ... ؟؟؟

وايه رأيكو فى صاحبه ... ؟؟؟

مين المجرم ... ؟؟؟

ومين الضحية ... ؟؟؟

ايه رأيكو فى كل الكابوس

أكيد هو لعب بمشاعرها

وأكيد بردو هى تنازلت

ايه رايكم ؟؟؟؟؟

وحسبنا الله ونعم الوكيل فى كل اللى بيلعبوا ويدغدغوا مشاعر وعواطف البنات .

ولا حول ولا قوة الا بالله العلى العظيم