٧/٣١/٢٠٠٧

تاج من مدونة ( ياسر مدنى ) دينامو الاخوان



بداية معذرة على غيابى الفترة الماضية
وتاخ ( إخوانية مصرية ) مش نسييييييييته يا أسماء حاااااضر حااااضر
يلا بسمـ اللهـ
هل تحرص بصدق علي تجديد النيه قبل الدخول علي النت؟؟؟
أنا بصراحة ناوياها من بداية ما دخلته أصلا
إنه لله وللدعوة لمجابهة الظلم وفضحه
يمكن مش كل قعدة بأجددها تانى
بس أكيد النية فى القلب حاضرة دايما
ويا رب يغفرلنا إن قصرنا يوما
ما رأيك في جريده الدستور؟؟؟
بصراحة جريدة كويسة
ومش متفقة مع الأخ ياسر فى أنها أفضل الوحشين
بس هى فعلا أحسن ما على الساحة الآن
عن نفسى بأستمتع بقرائتها جدا
بس لو يشيلوا صفحة ( ضربة شمس ) دى
صفحة بجد قذرة ومحررها ربنا يهدى بقى
هى الصفحة دى اللى مشوهة الجريدة بجد
بس فيها كتاب كويسين جدا
ما رأيك في شويه المدونات دي..(أنا إخوان..إبن أخ..حلم الحريه..مش حاسكت..جهاد المصري)؟؟
أنا إخوان
بصراحة مش دخلتها غير كام مرة
بس كويسة على حد علمى
إبن أخ
بصراحة سمعت عنها بس
هأدور عليها وأزورها حالا
حلم الحرية
يااااااااااااااااااخبر جاااااااااااااامدة
كفاية صاحبتها مورا الغالية
بحبها فى الله بجد
مش هأسكت
مدونة جميلة بردو كفاية إنه أخو مورا هههههههه
مش هيسكت بقى براحته
جهاد المصرى
ممممممممممممممممم
بردو هادور عليها وأزورها
معلش بقى جديدة فى التدوين
هل بعد قراءتك للإجابتين إللي فاتوا ..
حسيت إن أنا أيه؟؟ولا تنسي الصدق.؟
اللهم اجعلنا من الصادقين
فى الإجابة الأولى حسيت ببعض التقصير
وفى الثانية حسيت ببعض الإحراج لأنى لسه فى مدونات كتير ما أعرفهاش
يلا خير
هل تثق في جريده الدستور؟؟؟
إلى حد كبير
أنا بحبكو في الله..فهل تحبونني...ولا تنسوا الصدق؟؟
لا تعليق
هل تعمل في السياسه والعمل العام أكثر من الربانيات والروحانيات؟؟؟
بصراحة ( آه ) ما دام بصراحة بقى
ربنا يسامحنا فى تقصرينا
هل الدستور تحب الإخوان,,ولا بتستغلها؟؟
بصراحة الدستور حتى الآن بتتعرض لقضايا الاخوان بمنتهى الموضوعية
بس بردو شايفة إنها بستغلها من ناحية الشهرة
أصل المعادلة دلوقتى
جيب سيرة الاخوان فى أى حاجة
تضمن أكبر توزيع وأعلى مبيعات
بس ما دامت ملتزمة هذه الموضوعية والحيادية حتى الآن
فكده كويس جدا لينا إحنا كمان





تقبلوا تحياتى

هناك ١٠ تعليقات:

بيدو يقول...

يشرفني انى اول معلق وعودا حميدا بعد غيبه وبجد اجاباتك رائعة ويارب ينفع بيكي بس صدقيني كلها مصالح والدستور بتعمل كده مش حب فينا خايفة من مقاطعتنا زي المثري اليوم اللى مش لاقيه حد يشتريها

سارة بندارى يقول...

أخ عبدالرحمن


ايوه طبعا كلها مصالح وعارفة كده كويس جدا


يلااااااااااا خليها علينا

ينشهروا على قفانا


جزيت خيرا على المرور الطيب

كش ملك يقول...

انا معاكى فى اخر سؤال

جيب سيرة الاخوان فى اى حاجة تضمن اكبر عدد مبيعات

بن توفيق يقول...

عجبنى جدا اصراركم على موضوع النية عند دخول النت
وعجبنى نواياكم فى الموضوع ده قوى

ربنا يتقبل ان شا ءالله

ahmed mefrh يقول...

جزيتم خيرا على التعارف
ابو مفراح

belal يقول...

هحضرتك مادخلتيش مدونة عبد المنعم غير كام مرة..وحطاها في السايد بار..
..
عامة
مبروك المدونة
..
أتفق مع حضرتك في حكاية ضربة شمس دي
مع إن فيه ناس كتير جدا بجد..بتشتري الدستور عشان الصفحة دي
..

إخوانية مصرية يقول...

وعماله تغني استاذتي استاذتي
دا الواحد مش محصل تلميذ حته
ههههههههههههههههههههه
ماشي ياختي مستنين اهو ياصبر ايوب
بس بجد اجاباتك تحفة وحمد لله بالسلامة ياختي
نامي بقي البوست دا للسنةالجاية
ههههههههههه
مستنية بوستك الجديد

سارة بندارى يقول...

mohamed / أخ


ده شئ اكيد طبعا

ما هى دى المعادلة دلوقتى


جزيت خيرا على المرور يا فندم





بن توفيق

اللهم امين

واياكم باذن الله

نورتم المدونة يا فندم





ابومفراح

وجزانا واياكم




other_things

اه حاطاها فى السايد بار

( رخامة بقى )

عارفة كويس إن فى ناس مش بتشترى الدستور
إلا عشان الصفحة دى وبس

ما كل .... وليه .... مش صح ولا ايه ؟؟





أستاذتى / اخوانية مصرية

وهتفضلى استاذتى الغالية

ههههههههههههههههههه للسنة الجاية بس

ماشى يا عم

اصبرى عليا بس

طول عمرك مستحملانى

مش هتيجى على حتة التاج ده

وفاء ماهر ..اخوانية وافتخر يقول...

شوفى يا سارة كلامك صح بس مسألة صفحة ضربة شمس دى ماينفعش يتعمم علشان اللى انتى شايفاه أسود غيرك شايفه ابيض وساعات بيبقى بمبى فما تزعليش نفسك وأنا معاكى فى ان الجريدة متميزة وبتتكلم عن الاخوان بموضوعية وياريت تنورى مدونتى هكون مبسوطة أوى

غير معرف يقول...

لدينا قليلا من صعوبة في الاشتراك في آر إس إس ، وعلى أي حال لقد تميز الكتاب في هذا الموقع العظيم ، ومفيدة للغاية بالاضافة الى مليئة المعلومات.